079v - - - - - [continued]
et mectes le dedans ung pot de terre & quil y ayt
forces cendres chauldes dessoubz & feres petit a
petit du foeu dessoubz de plus en plus & ne le
fault pas bouger & quand il sera cuit & si fault
quil soit six heures & gardes que la fumee ne vous
face mal car est maulvaix
Pour faire verny
Prenes Masticq sang daRage darac Gomme aRabic &
Huille daspic aultant dung que daultre & les faictes
fondre ensemble & devant que le coucher couchez une
couche de colle bien clere & le laisses seicher
@ Contrepoison contre la fumee des metaulx
Prens le matin une rostie au boeurre & lantimoine ne
aultre vapeur ne te pourra nuire Ou mects une demy vessie
de porc devant le visage
Estaim pour gect
Ils employent lestain commun qui est celuy duquel les
pintiers usent pour faire vaisselle Qui est compose
de 9 ou dix dix lb de plomb fin sur un quintal destain
at left bottom margin
Aulcuns ne trouvent
rien mieulx que lestain
fin
Mixture pour les imprimeurs
Fais une couche dantimoine pulverise & une couche de letton & vielles
escailles ou lames de fer ou clo testes de cloux de fer et
continues ainsy jusques a ce que le crusol soit plain Et
fais fondre au four a vent & puys mesle un peu destain &
acheve de remplir le crusol de plomb jusques a ce que il
le cause Et vigore le foeu & mesle pour faire bien allier
les matieres La mixture des grandes lettres est plus dure