079r - - - - - [continued]
quand tu en vouldras user, destrampe le aveq de la
colle bien clere, & puys tu le coucheras sur ce que tu
vouldras par deux ou trois foys, & puys le laisse
seicher. Mais avant que le coucher, couche y une couche
de colle bien claire, & le laisse seicher, & frotte ladicte
bronze aveq ung dan de loup ou de chien.
Pour faire boys gris
Prendz de la moullée dugrais, _ _ _ de
la limaille de fer, de la feraille, de l’alung, du noyr
de courroieur, de la coperose & de l’alung de glace.
Pour faire eau pour le mal des
yeux
Prenés de la coupperose blanche & la faictes chauffer
un petict sur le foeu, puys le mectés en pouldre dedans
un drappeau blanc bien estendu sur un verre bien nect
& la pouldre dessus, puys prenés de l’eau de fontayne, &
la faictes passer sur ledict drappeau en remuant du doigt
ladicte pouldre, tant qu’elle soit toute passée. Puys en lavez
vos vyeux à toute heure que vous vouldrés, & aveq l’ayde
de Dieu vous vous en trouverés fort bien
.
Pour faire bronze en coulleur d’or
Prenés six onces d’estaing calcinés & aultant de souffre
vif & six onces de sel armoniac, et mectés l’estaing
fondre dedans une cuilliere. Quand il sera fondu, mectés
l’argent vif dedans, puys le gectés en ligne, puys
pillés toutes ses drogues ensemble dedans ung mortier, &
[continued]