079r - - - - - [continued]
quand tu en vouldras user destrampe le aveq de la
colle bien clere & puys tu le coucheras surce que tu
vouldras par deux ou trois foys & puys le laisse
seicher mais avant que le coucher couche y une couche
de colle bien claire & le laisse seicher & frotte ladicte
bronze aveq ung dan de loup ou de chien
Pour faire boys Gris
Prendz de la moullee du grais _ _ _ de
la limaille de fer de la feraille de lalung du noyr
de courroieur de la coperose & de lalung de Glace
Pour faire Eau pour le mal des
yeux
Prenes de la coupperose blanche & la faictes chauffer
un petict sur le foeu puys le mectes en pouldre dedans
un drappeau blanc bien estendu sur un verre bien nect
& la pouldre dessus puys prenes de leau de fontayne &
la faictes passer sur ledict drappeau en Remuant du doigt
ladicte pouldre tant quelle soit toute passee puys en lavez
vos vyeux a toute heure que vous vouldres & aveq layde
de dieu vous vous en trouveres fort bien
Pour faire bronze en coulleur dor
Prenes six onces destaing Cacides & aultant de souffre
vif & six onces de sel armoniac et mectes lestaing
fondre dedans une cuilliere quand Il sera fondu mectes
largent vif dedans puys le gectes en ligne puys
pilles toutes ses drogues ensemble dedans ung mortier &
[continued]