078v - - - - - Pour faire bronze en
couleur dassier
Prens de lalung de glace & de lanthimoyne
mais Il fault deux foys aultant dalung de
glace que denthimoyne et pille le tout ensemble
dedans ung mortier de fer & puys destrampe aveq de
leau de Gomme en le broiant sur ung marbre &
puys en fault user aveq le pinceau & appres laisser
seicher et puys le polir aveq ung dan de loup ou
de chien
Pour faire bronze en
Couleur dor
Prens limailhe de cuyvre & de locre & de la
goume & de lalung & broye le tout ensemble dedans
ung mortier de pierre et quand Il sera bien broye
tu le coucheras sur la besongne aveq ung pinceau
puys le polliras aveq ung dan de loup ou
de chien
Pour faire Os ou corne
verd
Prens verd de Gris & le destrampe aveq fort vinaigre
puys fais tramper ton os ou corne une heure &
puys le mectz en besongne
Pour faire bronze
Prens Limailhe despaingle & aultre de leton & le
mectz ensemble & le broye sur ung marbre bien broyez
aveq de leau peu a peu Jusques ace quilz soient distilez
puys les mectz dedans quelque vaisseau noeuf Et
[continued]