[TOC] | [translation]

[continued]

fondre ses drogues dedans un pot de terre noeuf & quand
Il sera fondu tu le passeras en un drappeau nect &
tu verras de beau verny

Aultre verny

Prens une once dhuille daspic & la fais chauffer sur les
charbons & puys prens demye once de sang dea Raiec
& la broye grossement et puis le mectz dedans lhuille daspic &
puys le mesle aveq ung baston tant que voyrras quil sera
fondu et puys le mectz dedans une fiolle de verre Et
quand tu en vouldras user fais le chauffer peu a peu sur
Les charbons Et devant que le poser, pose une couche de
colle bien clere, & puys le pose aveq le pinceau

Pour faire verny Rouge

Prens du vermilhon & le fais tremper aveq de leau de
goume ainsin que daultre eau et en fais comme daultre verny
& mesle ceste aultre eau comm daultre verny et puys le
couche comme devant pour faire trois verd

Pour faire trbois verd

Prenes du vinaigre bien fort du sel & de leau de pluye
et fault mectre le tout ensemble aveq du verd de Grys
et le mectz dedans ung vaisseau de terre neuf aveq ton
boys & le mectz en du fian de cheval bien chault lespace
de huict ou neuf Jours