077v - - - - - [continued]
mais qu’il ne soit pas trop menu, puis prandre une fiolle
de verre moienement grande et y mectre de ses deux
la moictié, assavoir deux onces & demye. Apprés mectz ledict
vetjoin aussi grossement pillé et le mectz à proffict aveq
ladicte eau et le laisse reposer l’espace d’ung jour & demy, &
puys prens ladicte eau & la mectz dedans une aultre fiolle de
verre & le destrampe tres bien. Et sur le reste dudict betjoin
qui demeure au fondz de ladicte premiere fiolle, mectz le reste
de l’eau sur cedict et faictz devant comme tu verras le
cas bien aller, et mesle la premiere eau aveq la seconde.
Par quoy d’icelle tu t’en pourras ayder en chose plus
noble.
Aultre vernys aprouvé
Prens deux onces d’huille de lin & deux onces d’huille
petrolle et deux onces de masticq, le plus blanc que
pourras trouver, et de l’alung de glace, & le broye, et prendz
ung peu de copperoze blanche, et mectz toutes ses drogues
ensemble en ung pot de terre qui soit noeuf, et le pose un
peu sur les cendres chauldes, et tu verras du beau verny.
Aultre verny
Prendz de l’huille petrolle & de l’huille d’aspic, aultant
d’un que d’aultre, & le mectz ensemble aveq de la copperoze, &
le fais fondre sur les cendres chauldes, scellon la quenthité
que tu en vouldras faire. Pour coucher ce verny, fais trois
couches sur la besogne que tu vouldras vernir.
Aultre verny
Prens une once d’huille d’aspic & du sang de raiye da Rac & fais
[continued]