077r - - - - - Contre les rougeurs du visage
Fais une petite coiffe de plomb & la porte la nuit Excellent
secret Essaye un masque de plomb
Medecine des orientaulx contre
toutes maladies
Figure
Fais secher du rosmarin au moys de may puys emplis ce godet
de pouldre diceluy Et mects un charbon allume dessus Et
recois la fumee par la bouche bien serree Et une partye
te sortira par le nes Mays si tu veulx purger la teste sarre
aussy le nes Contre morfondiments rheumes & aultres malladies
Terre graisse
Les fondeurs pour en faire les anses de leurs cloches sen servent
Et plustost que sen servir ilz la battent bien fort puys la laissent
secher a lombre peu a peu & a long temps Et en moulent fort net
Mays il ne fault pas quelle soit areneuse & ains bien choisie & doulce
@ Recepte pour faire bronze et vernys de
plusieurs sortes
Pour faire vernys excellant deaue claire duquel uzeras aveq le
pinceau Et Incontinant seiche pour mectre sur pappier tablette ou
aultre piece
Premierement tu prandras Cinq onces deau de vye et une once
de betjoin pillez entre deux pappiers ou cartes ou en ung mortier
[continued]