Making and Knowing
A minimal edition of BnF Ms Fr 640

[TOC] | [translation]

- - - - - folio image: 076r - - - - -

[continued]

sy nen trouves Et en couvrir dicelle pouldre ledict boys
Jusques ace quil soit froid & le feres Rebouillir & en boulhant
on verra sil sera asses noir ou non Et sil nest asses vous
prandres deladicte pouldre & en mectes sur ledict boys en boulhant

Pour faire boys verd

Fault prandre une carte de vinaigre Blanc & une once
de verd & une once dalun de glace tout mesle ensemble Et
mecteres vos matieres en ung pot plombe dessus le foeu sans
prandre air & puys mectre le pot en ung fumier lespace de
quinze Jours Et quand il sera hors vous feres bouillir vos
matieres lespace de trois heures

Pour faire boys Rouge

Prenes une Carte durine vieilhe et trois onces de Garante
& une once dalung de glace et mectres le tout dans vostre pot
& faictes comme du verd

Pour le faire Bleu

Prenes une carte durine comme dessus et une once dalung
& deux dragmes de sel armoniac & demye once de fleurs de
pastel
le tout mis en pouldre et en faire comme du verd

Pour le faire Violet

Prenes une carte dhurine & une once dalung & deux dragmes
de sel armoniac & une de lacque & faire comme dessus

Pour le faire Jaulne

Prenes hurinne comme dessus Et Guesdre deux onces & une
once de fustict Et deux onces dragmes de sel armoniac & faire
comme dessus