075v - - - - - Pour faire du boys gris
Il fault prendre de limailhe de fer trois demy sestier, pour
xviii s deniers d’alung de glace, & pour aultant de couperose
verte, pour six deniers de vert de gris, de lama poix & une carte
de cuyr eaue de courroieur, et si vous n’en trouvés poinct, vous
metrés de plus l’eaue de pluye de menu degré.
Pour dorer sur le boys
Premierement fault poser une couche de colle bien claire, et
estant seiche, vous poserés une couche d’ore jaulne. Et quand il
sera faict, vous prendrés du boys de figier, & le mectrés tremper
quelque espace de temps, & en laverés les plases que vous voulés
dorer, et coupperés vostre or avecq ung couteau au pris que le poserés.
Et fault poser ledict or avecq du coutoien. Et si vous pouvés trouver
du figuier, prenés le blanc d’ung œuf & le fort remuer.
Et si vostre or n’a asses belle couleur, vous prandrés de la
plume de perdris, & la ferés bruller dedans une choffrette,
et faictes aller la fumée contre ce que vous aurés doré.
Pour dorer d’or moleu
Fault prandre une coquille d’or et, auparavant que en vouldrés
travailher, vous la mectrés tramper avecq de l’eaue de gome et
le poserés avecq un pinsseau, & le polirés avecq une peau dant de
loup quand il sera sec.
Recepte pour mectre tous boys
en coulleur
Pour le faire noir, il le fault tremper en huille d’olive. Et
la corne au cas, semblement quatre ou cinq jours, & puys
le bouilhir là ou il aura trempé l’espace d’une heure, & la
tirer hors de l’huille, et prandre du souffre vif ou d’aultre
[continued]