075v - - - - - Pour faire du boys gris
Il fault prendre de limailhe de fer trois demy sestier pour
xviii s deniers dalung de glace & pour aultant de couperose
verte pour six deniers de vert de gris de lamapoix & une carte
de cuyr eaue de courroieur Et si vous nen trouves poinct vous
mectres de plus leaue de pluye de menu de gre
Pour dorer sur le boys
Premierement fault poser une couche de colle bien claire Et
estant seiche vous poseres une couche dore Jaulne Et quand il
sera faict vous prendres du boys de figier & le mectres tremper
quelque espace de temps & en laveres les plases que vous voules
dorer et coupperes vostre or avecq ung couteau au pris que le poseres
Et fault poser ledict or avecq du coutoien et si vous pouves trouver
du figuier prenes le blanc dung œuf & le fort remuer
Et si vostre or Na asses belle couleur vous prandres de la
plume de perdris & la feres bruller dedans une choffrette
et faictes aller la fumee contre ce que vous aures doré
Pour dorer dor Moleu
Fault prandre une coquille dor et auparavant que en vouldres
travailher vous la mectres tramper avecq de leaue de Gome Et
le poseres avecq un pinsseau & le polires avecq une peau dant de
loup quand il sera sec
Recepte pour Mectre tous boys
en coulleur
Pour le faire noir Il le fault tremper en huille dolive Et
la Carne au cas semblablement quatre ou Cinq Jours & puys
le bouilhir la ou Il aura trempe lespace dune heure & la
tirer hors de lhuille Et prandre du souffre vif ou daultre
[continued]