075r - - - - - Goume rouge
Prenés sire rouge, du vernilhon & ung petict de poix resins resine,
comme dessus.
Bronze de cuyvre
Prenés da de verdet & de la colle claire, & le broyés ensemble.
Puys faictes une couche sur vostre boys, et prenés de la limaille
d’espingle, et le broyés sur ung marbre aveq de l’eau, puys le
verchés sur le boys, & le polissés aveq du cuyvre.
Bronze comme estaing
Prenés de l’estaing de glasse, deux onces d’argent vif, &
faictes fondre l’estaing de glace dedans ung pot neuf. Et
difiant des lors qu’il soit tout fondu, mectés le vitf aiantargent dedans, &
l’ostés du foeu, & laissés secher ladicte colle. Puys prenés ung
morceau d’estaing, & le brunisés sur ung marbre aveq de l’eaue
claire, et puys le couchés sur le boys, et le polissés aveq ung
morceau d’estaing.
Pour faire eau fort
Prenés ung demy sestier de vinaigre avecq une once de verd
de gris & une once de copperouse & une once de solle, puys les
mectés ensemble dans une fiolle de voyrre.
Or moulu
Prenés fin or & le mectés sur le bu marbre bien nect, & mectés
de l’eaue fort & commancés à broyer. Puys prenés du selpestre &
du sel armonial et le mectés en une coquille qui soit grande & lavée,
comme assuré.