074v - - - - - [continued]
foeu Jusques ace quil soit asses cuyt Et la coulles pardedans
une toille qui soit asses serree Et quand vous laures coulle
laisses la Refroidir ung petict Et si vous voies quil soit
trop espaix que vous ne le puissies couler vous mectres ung
petict dudict huille & le feres meilheur
Pour faire vernys Rouge
Prenes de vermilhon Et le faictes tremper avecq de leaue
de gaulme bien clair ainsin quelaultre est faicte deux ou
trois assictes comme dessus
Pour faire vernys Jaulne
Prenes dela Gaulme arrabic & la faictes trdestremper aveq
de leaue puys prenes du saffran bien baptu & destrempe
ladicte Gaulme Et la faictes bien claire puys faictes vostre assicte
Sur ce que vous vouldres vernir & la laisses secher & quand
Il sera sec donnes une aultre assicte du mesme & la laisses
seicher comme devant tant quil sera asses sec puys prenes
du verny delapoticquaire concasse par cou asses loing lung
de laultre puys laves vostre main bien necte & de la paulme
dicelle estendes vostre verny
Recepte pour Gaulme blanche
Prenes Sire blanche & dela seruze & ung petict de poix
fine tresbien pillee Ensemble & la mectes dedans ung petict
pot neuf & la faictes fondre Et quand elle sera fondue vous
feres une palette de boys de & brunises ce que vouldres
Gorime verte
Prenes dela cire verte aveq du vert de Gris ung petict Et le
faictes fondre comme dessus