074r - - - - - Pour bronzer blanc
Prenés de l’estaing de glace & le mectés destremper dedans
de l’eaue de gomme & le pillés dedans ung mortier. Et apprés,
vous le mectrés dessus le mabre.
Pour faire vernilhon
Prenés deux livres de souffre, & le faictes fondre & le
mectés dedans deux livres de merecusemercure. Et si celle matiere s’en
flame, couvrés la bien gentiment, que l’air ne passe dedans le pot,
puis mectés le tout quelque temps apprés dedans ung pot
plombé au foeu par l’espace de vingt quatre heures. Vous
aurés de bon vernilhon.
Pour faire verny
Prenés une livre d’huille de lin, et puys la mecterés dedans
ung pot de terre, mellée croute de pin et trois ognions, et le
mectrés dessus du foeu de charbon, et le ferés cuyre à petit foeu,
et qu’il bouilhe l’espace de cinq heures. Vous prendrés demy once
de colle farine, & le ferés bouilhir tout comme devant et le
remouvoir avecque une cuilliere. Et puys apprés vous y mectrés
deux onces de sandrax bien pillés & le ferés comme dessus. Et
puys apprés prandrés mastic & arrabeic, deux onces de chascun, qui
soit bien broyé tous deux, et le mectrés tout ensemble, & le
ferés bouilhir en remouvant tousjours, l’espace de cinq heures.
Et puys vous mectrés alung d’araucqde roc, deux onces, & puys le
ferés bouillir. Et si vous y mectés deux onces de l’arablel’arabic, si vous
voyés qu’i ne soit asses cuyt, faictes le cuyre davantage à petict
[continued]