074r - - - - - Pour bronzer blanc
Prenes de lestaing de Glace & le mectes destremper dedans
de leaue de gomme & le pilles dedans ung mortier Et appres
vous le mectres dessus le mabre
Pour faire vernilhon
Prenes deux livres de souffre & le faictes fondre & le
mectes dedans deux livres de merecuse@mercure Et si celle matiere sen
flame couvres la bien gentiment que lair ne passe dedans le pot
puis mectes le tout quelque temps appres dedans ung pot
plombe au foeu par lespace de vingt quatre heures vous
aures de bon vernilhon.
Pour faire verny
Prenes une livre dhuille de lin Et puys la mecteres dedans
ung pot de terre mellee croute de pin et trois ognions Et le
mectres dessus du foeu de charbon Et le feres cuyre a petit foeu
Et quil bouilhe lespace de cinq heures vous prendres demy once
de colle farine & le feres bouilhir tout comme devant Et le
remouvoir avecque une cuilliere Et puys appres vous y mectres
deux onces de sandrax bien pilles & le feres comme dessus Et
puys appres prandres mastic & arrabeic deux onces de chascun qui
soit bien broye tous deux Et le mectres tout ensemble & le
feres bouilhir en Remouvant tousjours Lespace de cinq heures
Et puys vous mectres alung daraucqde Roc deux onces & puys le
feres bouillir Et si vous y mectes deux onces de larablelarabic si vous
voyes qui ne soit asses cuyt faictes le cuyre davantage apetict
[continued]