073v - - - - - [continued]
broyés à part. Quand il sera bien broyé, prenés le sel armoniac &
le broyés encores ensemble. Puys prenés une once d’estaing doulz &
une once d’argent vif, puis faictes fondre vostre estaing & mectés
vostre argent vif goutte à goutte dans vostre estaing en fondant, & le
remués fort jusques à ce qu’il soit en pouldre.
Pour le c coucher
Prenés de la colle de Partenay ou parchemin, et l’apliqués avecq le blanc
d’ung oeuf, puys prenés ung peu de saffran et du vinaigre
et du laict de figuier, et faictes encores une couche. Puys
prenés la bronze et l’aplicqués dessus.
Verny
Prenés deux onces d’uille d’aspic & une once de sandrax. Prenés
ung pot net, & le faictes chauffer, & puis le tirés hors du
feu, et apprés mectés les drogues dedans, et apprés mectés les
dedans une fiole, & le coucher sur le boys.
Aultre recepte pour faire verny
Prenés une once de tormentine de vernise @Venise & ung quart de
once d’huille de perolle petrolle & une once de sandrax & une d’huille
d’aspic.
Couleur de cuyvre bruny
Prenés une once de sel armoniac avecq une once de
broullaminy et demye de limailhe de cuyvre, aveq une once de
souffre & demy sestier de vinaigre. Bouttés tout dedans ung
petict fourneau de carreaulx, et faictes ung petict foeu de
charbon autour, et mectés vostre pot dedans ledict fourneau
toute la journée.