073v - - - - - [continued]
broyes apart Quand Il sera bien broye prenes le sel armoniac &
le broyes encores ensemble puys prenes une once destaing doulz &
une once dargent vif puis faictes fondre vostre estaing & mectes
vostre argent vif goutte a goutte dans vostre estaing en fondant & le
Remues fort Jusques ace quil soit en pouldre
Pour le cCoucher
Prenes de la colle de partenay @ou parchemin Et lapliques avecq Le blanc
dung oeuf puys prenes ung peu de saffran Et du vinaigre
Et du laict de figuier Et faictes encores une couche puys
prenes la bronze Et laplicques dessus
Verny
Prenes deux onces duille daspic & une once de sandrax prenes
ung pot net & le faictes chauffer & puis le tires hors du
feu Et appres mectes Les drogues dedans Et appres mectes les
dedans une fiole & le coucher sur le boys
Aultre recepte pour faire verny
Prenes une once de tormentine de vernise venise & ung quart de
once dhuille de perolle petrolle & une once de sandrax & une dhuille
daspic
Couleur de Cuyvre bruny
Prenes une once de sel armoniac avecq une once de
broullaminy et demye de limailhe de cuyvre aveq une once de
souffre & demy sestier de vinaigre bouttes tout dedans ung
petict fourneau de carreaulx Et faictes ung petict foeu de
charbon au tour Et Mectes vostre pot dedans ledict fourneau
toute la journee