073r - - - - - Pour faire vernys pers
Prenés du pers de fleurs de fleurée ou de Flandres & de la chault vifve, et mettés de l’eau
dessus environ quatre doigts, et le laissés tremper ung jour. Prenés
de l’eau où ladicte chault a trempé, et mectés vostre pers avecq, et le
poser sur le boys.
Pour couleur d’orange
Prenés de l’eau où la chault aura trempé, et mectés du terroy
merita l’ung avecq l’autre, et puys poserés sur vostre boys.
Pour desgresser os ou corne
Il les fault faire bouillir dans la chault vive, et qu’il y ayt
tousjours de l’eau, et prenés une casse bien necte. Et quand ilz seront
lavés, les ferés bouilhir dans de la cendre de serment, et les
mectrés dedans un pot le plus chault que pourrés, et mectrés dedans
le pot de l’eau des orfevres du vert de gris, et laisser l’espace de
quelque temps, et verrés une fort belle coulleur de verd.
Pour faire boys gris
Prenés de l’alung avecques de l’eau de riviere, faictes bouilhir
ensemble, puis prenés eau de riviere aveq du son, et coulés le son,
et le bouttés ensemble. Prenés limailhe de fer & du souffre & du
verd de gris et de la moullée , et faictes tout boulhir
ensemble, et bouttés boys d’erable qui aura trempé dedans l’eaue
d’alung et l’eaue despuis, & le mectrés bouillir ensemble. @Le tout se
fera mieulx dedans ung grois cruzé.
Pour faire bronze à couleur d’or
Prenés une once de sel armoniac et les broyés dans ung
mortier de fer. Estant bien broyé, prenés une once de soufre et le
[continued]