Making and Knowing
A minimal edition of BnF Ms Fr 640

[TOC] | [translation]

- - - - - folio image: 073r - - - - -

@ Pour faire vernys pers

Prenes du pers de fleurs de fleurée ou de Flandres & de la chault vifve Et mettes de leau
dessus environ quatre doigts et le laisses tremper ung Jour / prenes
de leau ou ladicte chault a trempe Et mectes vostre pers avecq Et le
poser sans le boys

Pour Couleur dorange

Prenes de leau ou la chault aura trempe Et Mectes du terroy
merita
lung avecq lautre Et puys poseres sur vostre boys

Pour desgresser os ou corne

Il les fault faire bouillir dans la chault vive Et quil y ayt
tousjours de leau Et prenes une casse bien necte Et quand Ilz seront
laves les feres bouilhir dans de la Cendre de serment et les
mectres dedans un pot le plus chault que pourres et mectres dedans
le pot de eau des orfevres du vert de gris Et laisser Lespace de
quelque temps et verres une Fort belle coulleur de verd

Pour faire boys gris

Prenes de lalung avecques de leau de Riviere Faictes bouilhir
ensemble puis prenes eau de Riviere aveq du son et coules le son
Et le bouttes ensemble prenes limailhe de Fer & du souffre & du
verd de Gris Et de la @ moullee Et faictes tout boulhir
ensemble Et bouttes boys derable qui aura trempe dedans leaue
dalung
et leaue despuis & le mectres bouillir ensemble @Le tout se
Fera mieulx dedans ung Grais Cruze

Pour faire bronze a couleur dor

Prenes une once de sel armoniac Et les broyes dans ung
mortier de fer Estant bien broye prenes une once de soufre Et le

[continued]