072v - - - - - Gect
Le plomb, qui est comme amorty & pesant, veult estre gecté chault
bien plus que l’estaim. Et quand il n’est pas assez chault, il faict
des lignes dans la medaille. Il La paille s’y brusle, pour peu
qu’il soict chault. Il se faict une souldure si doulce & coulante
qu’elle se peult fondre dans un plat d’estain. Elle se compose
d’une partye d’estain de glace, d’une partye d’estain doulx &
d’une aultre de plomb. Elle coule fort net, et s’en gecte des
foeuilles, mays l’ouvrage est fort brusc & rompant. La
meilleure souldure est la commune pour bien gecter, mays
est elle laisse certains points grumelés. Allie plomb avecq
l’estaimg, en sorte que le lingot que tu gecteras vienne uny &
luisant & poly, & sans faire aulcuns yeulx ou ebullitions
sinon un petit point au milieu. Et ce signe te signifiera qu’il
y a assez d’estaim, aultrement le plomb domine trop. Le
sable est bon pour le plomb & estain. Le bon est fort delié
& subtil & maigre, toutesfois qui faict prise entre les
doigts. Le sable veult estre recuit plustost qu’estre mis
en oeuvre. Et estant pour en mouler, il veult estre fort humecté & puys
recuit, non pas à coup ne à foeu pressé, car cela le corrompt
& faict retirer & esmier aussy. Mays si tu le recuits à
l’aisse, il se rend fort roide, estant bien mouillé. Il en
fault passer par une manche de chemise pour le plus subtil affin
d’en mectre premierement sur la piece à mouler.
On faict une souldure avecq de l’argent vif, Mays qui
est blanche, mays elle est brusque. Fais que ton chassis
joigne bien & qu’on ne voye point le jour entre les joints.
Les Allemands jectent fort tenvre leurs plombs pource qu’il
semble qu’ilz viennent mieulx que fort espés, mays affin qu’ilz ne
soient trop plians, estant si deliés, ilz meslent un peu d’estaim
parmy ledict plomb, qui aultrement se plieroit comme cire.
Le plomb le plus noir, se disent aulcuns, est le meilleur &
le plus doulx & qui coule mieulx. Tu cognoistras sa bonté en
le frottant avecq le doigt, lequel il te rendra incontinent fort noir.
L’alliage bon pour couler de plomb & d’estain est sur une lb de
plomb, une lb & demye d’estain, Aultr affin que l’estain excede plus
d’une partye. C’est souldure qui coule bien & bonne à gecter, mays elle
est brusque.
at top margin
Pour faire couler bien le plomb,
on mect un peu d’argent vif dedans.
at left top margin
Frotte l’os de seiche sur une table
bien unie pour l’aplanir & l’un contre
l’aultre & traverse les deus os avecq
des chevilles pour remarquer la place.
at left top margin
L’os de seiche
moule mieulx
le plomb que chose
qui soit. Mays
essaye s’il le fault
recuire. Il fault
mouler derriere
l’os & du costé d’iceluy
Car la moelle y
est plus delicate.
at left middle margin
La moelle de l’os
vers la queue est
plus delicate & n’ha
pas tant de rayeures
& moule plus net.
La coquille qui
tient la moelle, estant
calcinée, est bonne
pour faire sable.
at left middle margin
Quand tu gectes du
plomb, il le fault gecter
gecter fort net asses chault
& non pas à coup, &
branler un peu le
chassis & gecter à deux
ou trois fois. Toutesfois
s’il est trop chault
gecté, il s’esleve &
boursoufle. Quand
il est fort chault,
il vient bleu, laisse
luy doncq passer
ceste couleur deva &
reposer un peu
devant que gecter.
at left middle margin
Aulcuns, comme les
imprimeurs, meslent
de la limaille de fer
ou d’espingle parmy
le plomb Mays pour
le rendre dur. Mays
cela le rend brusc,
& ne se romp soubs
le marteau.
at left bottom margin
Ayes une gratte
broisse pour nettoyer
tes moules.