072v - - - - - Gect
Le plomb qui est comme amorty & pesant veult estre gecte chault
bien plus que lestaim Et quand il nest pas asses chault il faict
des lignes dans la medaille Il La paille sy brusle pour peu
quil soict chault Il se faict une souldure si doulce & coulante
quelle se peult fondre dans un plat destain Elle se compose
dune partye destain de glace dune partye destain doulx &
dune aultre de plomb Elle coule fort net Et sen gecte des
foeuilles Mays louvrage est fort brusc & rompant La
meilleure souldure est la commune pour bien gecter Mays
est elle laisse certains points grumeles Allie plomb avecq
lestaimg en sorte que le lingot que tu gecteras vienne uny &
luisant & poly & sans faire aulcuns yeulx ou ebullitions
sinon un petit point au milieu Et ce signe te signifiera quil
y a asses destaim Aultrement le plomb domine trop Le
sable est bon pour le plomb & estain Le bon est fort delie
& subtil & maigre Toutesfois qui faict prise entre les
doigts Le sable veult estre recuit plustost questre mis
en oeuvre Et estant pour en mouler il veult estre fort humecte & puys
recuit non pas a coup ne a foeu presse Car cela le corrompt
& faict retirer & esmier aussy Mays si tu le recuits a
laisse il se rend fort roide estant bien mouille Il en
fault passer par une manche de chemise pour le plus subtil affin
den mectre premierement sur la piece a mouler
On faict une souldure avecq de largent vif Mays qui
est blanche Mays elle est brusque Fais que ton chassis
joigne bien & quon ne voye point le jour entre les joints
Les Allemands jectent fort tenvre leurs plombs pourcequil
semble quilz viennent mieulx que fort espes mays affin quilz ne
soient trop plians estant si delies ilz meslent un peu destaim
parmy ledict plomb qui aultrement se plieroit comme cire
Le plomb le plus noir se disent aulcuns est le meilleur &
le plus doulx & qui coule mieulx Tu cognoistras sa bonte en
le frottant avecq le doigt lequel il te rendra incontinent fort noir
Lalliage bon pour couler de plomb & destain est sur une lb de
plomb une lb & demye destaim Aultr Affin que lestain excede plus
dune partye Cest souldure qui coule bien & bonne a gecter Mays elle
est brusque
at top margin
Pour faire couler bien le plomb
on mect un peu dargent vif dedans
at left top margin
Frotte los de seiche sur une table
bien unie pour laplanir & lun contre
laultre & traverse les deus os avecq
des chevilles pour remarquer la place
at left top margin
Los de seiche
moule mieulx
le plomb que chose
qui soit Mays
essaye sil le fault
recuire Il fault
mouler derriere
los & du coste diceluy
Car la moelle y
est plus delicate
at left middle margin
La moelle de los
vers la queue est
plus delicate & nha
pas tant de rayeures
& moule plus net
La coquille qui
tient la moelle estant
calcinee est bonne
pour faire sable
at left middle margin
Quand tu gectes du
plomb il le fault gecter
gecter fort net asses chault
& non pas a coup &
branler un peu le
chassis & gecter a deux
ou trois fois Toutesfois
sil est trop chault
gecte il sesleve &
boursoufle Quand
il est fort chault
il vient bleu laisse
luy doncq passer
ceste couleur deva &
reposer un peu
devant que gecter
at left middle margin
Aulcuns comme les
imprimeurs meslent
de la limaille de fer
ou despingle parmy
le plomb Mays pour
le rendre dur Mays
cela le rend brusc
& ne se romp soubs
le marteau
at left bottom margin
Ayes une gratte
broisse pour nettoyer
tes moules