069v - - - - - [continued]
Le sable pres de mon sol est fort excellent. Mays il
fault, pour fayre ouvrage excellent, le prendre frais, qui
n’aye gueres travaillé. Car il se deseiche aprés avoyr gecté
plusieurs foys & est aride & n’ha point de corps. Si tu
gectes quelque ouvraige subtil qui n’aye gueres d’espesseur,
il fault que ta matiere de cuivre soit fort chaulde affin
qu’elle penetre & coure. Aulcuns meslent du plomb parmy
ceste fonte, mays c’est pour les grands ouvraiges & non
pour les petits.
Le sable de pieds de bœuf bruslés deulx foys & fort
subtiliés font plus net en cuivre & sans chape que sable
que j’ay veu. J’en ay gecté une medaille de relief bien
hault et f deliée de l’espesseur d’un tranchant de
costeau ou d’une carte. Et estoict creuse d’un costé, au droict
du relief qui estoit de l’aultre part.
Il fault que les sables maigres soient plus humectés
que les aultres, sçavoir de magistra ou de bon vin pur
ou de vin bouilly avecq de la racine d’orme & semblables.
Mays, les sables forts subtils, comme le linge bruslé qui
est gras & douls de soy mesme, veult estre apliqué sec.
Tout sable humecté veult estre fort battu & demené
pour estre subtilié & aplany des petites glebes qui se
font en luy quand il est baigné.
L’huile d’olif qu’aulcungs meslent parmy la glaire
d’oeuf battue faict soufler.
Le sable de verre calciné soubstient force fusions,
mays il n’y ha que les premieres. Il soufle aussy.
Le laicton vient bien seul, mays il charge. Il est bon
de le mesler d’un peut de cuivre, come d’un quart, avecq
matiere de poilonne.
Les fondeurs gectent bien chassis jusques à 30 ou 40
lb, mays non pas d’advantaige.
at left middle margin
Il est bon pour grand
ouvrage, mays pour
petit il est malaisé
à despouiller Il à
cause qu’il s’esmie.
Il est bon qu’il soit
un peu allié de quelque
chose grasse qui aye
lyaison comme tripoly
moulée, ou ab feultre
bruslé, ou sel armoniac,
ou tripoly & semblables.
[continued]