069r - - - - - [continued]
de moictié de plomb vient quasi mieulx que l’estain pur ou ou le plomb
pur, combien qu’en tout sorte ilz viennent bien. Neantmoings advise
de ne gecter pas du tout si chault le plomb que l’estaing. En grand
ouvraige il est besoing d’humecter les sables avecq la magistra ou
glaire d’oeuf.
Menusier
Trois choses sont les plus longues à faire, les foeuillages,
les cheveulx & les festons.
Sable
Il ne te fault pas choisir pour gect celuy qui est du tout si
maigre & aride qu’il n’aye poinct de liaison comme celuy de la mer
ou desei des chemins sablonneulx deseichés par le soleil. Mays
choisis les ou en t en premier lieu parmy les pierreriesrieres ou cavernes
de rochers, pource que cestuy là est le meilleur pourveu qu’il soit fort
subtil. Tu en cognoistras la veine, si parmy les rochers ou
pierrieres qu grisastres qui semblent estre composés d’arene, tu
vois aprés un temps pluvieulx certains petits moncelets comme de
poulciere attachés aulx dicts rochers, ou s’il s’en escaille par
l’humidité quelque piece aisée à froisser entre les mains. Tu en
trouveras aussy aulx terres maigres, qui s’enleve à lop grands
lopins comme pierres de tuf et ne ou parmy les terres bolvenes, qui
sont beaucoup meilleurs que ceulx qui se trouvent aulx terres grasses
& fortes. Et ne le fault pas prendre à la superficie, de peur qu’il
ne soit meslé de la commune terre, mays trois ou 4 pieds en bas
& le plus prés du tufou de la pierre. Comme il s’enleve ainsy en
grands lopins, on diroit qu’il commance à se former en pierre. Mays
comme il est mouillé, il se deffaict aysement. Il fault considerer qu’en
le rompant il soict bien grené & qu’en le froissant entre les doigts
il se rende en une subtilité comme impalpable fort grande, retenant
neantmoings son asperité areneuse sans embouer les doigts comme
l’ardille. Il se deseiche legerement au foeu, puys se pile & passe
subtillement par un double tamis ou une manche de linge, puys
s’humecte avecq du vin ou magistra, & @ / Verte
at left middle margin
Le mouleur de Thoulouse le faict recuire fort
puys le subtilie sur le mabre et le passe
par un linge & le passe humecte avecq du vin.
Il faict le gect
fort large & ne plat
& gueres profond.
Il gecte letton pur
de trebuschets
& semblables
choses tanvres.
Il gecte fort chault.
at left middle margin
@Essaye le
vitriol calciné
[continued]