069r - - - - - [continued]
de moictie de plomb vient quasi mieulx que lestain pur ou ou le plomb
pur combien quen tout sorte ilz viennent bien Neantmoings advise
de ne gecter pas du tout si chault le plomb que lestaing En grand
ouvraige il est besoing dhumecter les sables avecq la magistra ou
glaire doeuf
Menusier
Trois choses sont les plus longues a faire les foeuillages
Les cheveulx & les festons
Sable
Il ne te fault pas choisir pour gect celuy qui est du tout si
maigre & aride quil naye point de liaison comme celuy de la mer
desei ou des chemins sablonneulx deseiches par le soleil Mays
choisis les ou en t en premier lieu parmy les pierreriesrieres ou cavernes
de rochers pourceque cestuy la est le meilleur pourveu quil soit fort
subtil Tu en cognoistras la veine Si parmy les rochers ou
pierrieres qu grisastres qui semblent estre composes darene tu
vois apres un temps pluvieulx certains petits moncelets comme de
poulciere attaches aulx dicts rochers Ou sil sen escaille par
lhumidite quelque piece aisee a froisser entre les mains Tu en
trouveras aussy aulx terres maigres Qui senleve a lop grands
lopins comme pierres de tuf et ne ou parmy les terres bolvenes qui
sont beaucoup meilleurs que ceulx qui se trouvent aulx terres grasses
& fortes Et ne le fault pas prendre a la superficie de peur quil
ne soit mesle de la commune terre Mays trois ou 4 pieds en bas
& le plus pres du tuf ou de la pierre Comme il senleve ainsy en
grands lopins on diroit quil commance a se former en pierre Mays
comme il est mouille il se deffaict aysement Il fault considerer quen
le rompant il soict bien grene & quen le froissant entre les doigts
il se rende en une subtilite comme impalpable fort grande retenant
neantmoings son asperite areneuse sans embouer les doigts comme
lardille Il se deseiche legerement au foeu puys se pile & passe
subtillement par un double tamis ou une manche de linge puys
shumecte avecq du vin ou magistra & / @Verte
at left middle margin
Le mouleur de thoulouse le faict recuire fort
puys le subtilie sur le mabre et le passe
par un linge & le passe humecte avecq du vin
Il faict le gect
fort large & ne plat
& gueres profond
il gecte letton pur
de trebuschets
& semblables
choses tanvres
il gecte fort chault
at left middle margin
@Essaye le
vitriol calcine
[continued]