068v - - - - - [continued]
et incontinent tu le pourras esmyer entre les doigts et piler aysement
dans un mortier de metal, ou de fer pour le mieulx. Aprés il
sera aysé à broyer non seulement sur le mabre commun qu’il corroderoit, mays
sur le porphire. Et fault qu’il soit si subtillement broyé avecq de l’eau
que, le mectant sur l’ongle, tu le trouves douls sans aulcune asperité,
comme les pcouleurs que les painctres broyent pour huile. De cestuy,
estant sec, te peulx tu servir au lie en chassis au lieu de sable
sans l’humecter d’aulcune chose, ne sans le recuire s’il ne te plaist,
parfumer le cave de fumée de soufre ou de p à la pointe
de la flamme d’une chandelle de cire qui ne faict gueres de
fumée, et il te fera en plomb pur & en estaing seul un ouvraige
fort net & lustré & poly. Aultant diray je du tripoly subtillement
pulverisé, qui ne veult estre ne recuit ne humecté. Le linge
bruslé a moings de peyne qu’aulcun, pource qu’il n’ha besoing
ne d’estre recuit ne d’estre humecté, & moule et despouille fort net & fort
subtillement &despouille fort net, comme font bien les præcedents,
& soubstient plusieurs fusions. Il le fault premierement brusler
à la flamme puys le laisser croupir & consumer avecq son
foeu jusques à ce qu’il le lasse, puys subtilie le sur le
mabre ou sur un papier. Mays pource que beaucoup Et si tu
le fais recuire dans un crusol rougy à force de foeu pour
du tout le rendre subtil & impalpable, je croy qu’il n’en sera
que meilleur. Mays pource que beaucoup de linge revient
à fort peu estant bruslé, si tu le veulx espargner, tu peulx
en saulpouldrer & couvrir seulement la medaille que tu veulx
mouler, et remplir le chassis de ardoise pilée qui moule
aussy fort nettement. Mays note que tousjours le premier gect
est le plus beau & plus nect. Si tu gectes à propos, l’estain
doulx, qui semble estre bruny en ses petites roues que les pintiers
vendent, vient fort net & aprochant à la couleur de l’argent,
sans y mesler aulcune chose. Il est vray qu’il le faut
gecter assés chauld, & que la chose moulée soict 4 doigts
loing du gect. Pour cognoistre sa chaleur, fais le premierement
bien fondre, avecq tel degre de chaleur si chauld qu’il brusle promptement
un papier ou une paille mise dedans en fremissant. Puys oste
le du foeu & laisse le un peu reposer & gecte. L’estain meslé
[continued]