Making and Knowing
A minimal edition of BnF Ms Fr 640

[TOC] | [translation]

- - - - - folio image: 068v - - - - -

[continued]

et incontinent tu le pourras esmyer entre les doigts et piler aysement
dans un mortier de metal ou de fer pour le mieulx Apres il
sera ayse a broyer non seulement sur le mabre commun quil corroderoit Mays
sur le porphire Et fault quil soit si subtillement broye avecq de leau
que le mectant sur longle tu le trouves douls sans aulcune asperite
comme les pcouleurs que les painctres broyent pour huile De cestuy
estant sec te peulx tu servir au lie en chassis au lieu de sable
sans lhumecter daulcune chose Ne sans le recuire sil ne te plaist
parfumer le cave de fumee de soufre ou de p a la pointe
de la flamme dune chandelle de cire qui ne faict gueres de
fumee Et il te fera en plomb pur & en estaing seul un ouvraige
fort net & lustre & poly Aultant diray je du tripoly subtillement
pulverise
qui ne veult estre ne recuit ne humecte Le linge
brusle
A moings de peyne quaulcun pource quil nha besoing
ne destre recuit ne destre humecte & moule et despouille fort net & fort
subtillement & despouille fort net comme font bien les præcedents
& soubstient plusieurs fusions Il le fault premierement brusler
a la flamme puys le laisser croupir & consumer avecq son
foeu jusques a ce quil le lasse puys subtilie le sur le
mabre ou sur un papier Mays pourceque beaucoup Et si tu
le fais recuire dans un crusol rougy a force de foeu pour
du tout le rendre subtil & impalpable Je croy quil nen sera
que meilleur Mays pource que beaucoup de linge revient
a fort peu estant brusle Si tu le veulx espargner Tu peulx
en saulpouldrer & couvrir seulement la medaille que tu veulx
mouler Et remplir le chassis de ardoise pilee qui moule
aussy fort nettement Mays note que tousjours le premier gect
est le plus beau & plus nect si tu gectes a propos Lestain
doulx
qui semble estre bruny en ses petites roues que les pintiers
vendent vient fort net & aprochant a la couleur de largent
sans y mesler aulcune chose Il est vray quil le faut
gecter asses chauld & que la chose moulee soict 4 doigts
loing du gect pour cognoistre sa chaleur Fais le premierement
bien fondre si chauldavecq tel degre de chaleur quil brusle promptement
un papier ou une paille mise dedans en fremissant puys oste
le du foeu & laisse le un peu reposer & gecte Lestain mesle

[continued]