067v - - - - - Limes
Si elles ne sont trempées à pacquet, c’est en la façon
descripte avecq suye, sel, & vinaigre, elles ne sont pas
bonnes. Les quarrés grosses limes quarrées, de quoy les
sarruriers esbauchent leur besoigne, ne sont que de fer
doulx, mays les limes doulces doibvent estre d’acier.
Les fondeurs qui travaillent à reparer letton & cuivre
doibvent avoyr leurs limes d rudes, aultrement elles
se chargeroient du cuivre, qui les uniroict & rendroit bien
tost inutilles. Le laicton, qui est plus aigre, reçoit les
limes plus doulces que le cuivre.
Os de pied de beuf pour
sable
Estants bien bruslés par deulx fois & pulverisés, ilz
moulent fort net en sable & ne veulent poinct estre recuits,
ains seulement eschaufés avecq la flamme de la paille.
Mays si tu en moules en noyau, donnes en la premiere
couche simple & fort deliée avecq le pinceau & laisse
seicher bien à l’aise. Aprés fortifie les couches
suivantes de bourre meslée avecq ledict sable d’os destrempé.
at left middle margin
C’est le sable le
plus net qui se
puisse trouver pour
le cuvyre.
Huiles d’essence
L’huile de noix meslée avecq aultant de tormentine & distillée
par l’alembic rend une essence plus blanche que l’eau
commune. Mays elle n’ha poinct de corps & ne donne point
de liaison aulx couleurs, qui s’emboivent incontinent, et puys
laissent la couleur sans prise et s’effaçant. Elles, s’emboivant
de ceste sorte, ne donneroient pas loisir de travailler et adoulcir
non plus qu’à destrempe. Mays tu racoustres ce deffault,
luy donnant un peu de corps avecq de la tormentine, non pas
du tout si espés que pour vernir. Et ainsy tu pourras
travail d’azur d’esmail & feras un parfaict blanc de plomb.
Le vernis de tourmentine faict avecq de ceste huile est
sec dans une heure.