067v - - - - - Limes
Si elles ne sont trempees a pacquet cest en la facon
descripte avecq suye sel & vinaigre elles ne sont pas
bonnes Les quarres grosses limes quarrees de quoy les
sarruriers esbauchent leur besoigne ne sont que de fer
doulx Mays les limes doulces doibvent estre dacier
Les fondeurs qui travaillent a reparer letton & cuivre
doibvent avoyr leurs limes d rudes aultrement elles
se chargeroient du cuivre qui les uniroict & rendroit bien
tost inutilles Le laicton qui est plus aigre recoit les
limes plus doulces que le cuivre
Os de pied de beuf pour
sable
Estants bien brusles par deulx fois & pulverises ilz
moulent fort net en sable & ne veulent poinct estre recuits
Ains seulement eschaufer avecq la flamme de la paille
Mays si tu en moules en noyau donnes en la premiere
couche simple & fort deliee avecq le pinceau & laisse
seicher bien alaise Apres fortifie les couches
suivantes de bourre meslee avecq ledict sable dos destrempe
at left middle margin
Cest le sable le
plus net qui se
puisse trouver pour
le cuyvre
Huiles dessence
Lhuile de noix meslee avecq aultant de tormentine & distillee
par lalembic rend une essence plus blanche que leau
commune Mays elle nha poinct de corps & ne donne point
de liaison aulx couleurs qui semboivent incontinent et puys
laissent la couleur sans prise et seffacant Elles semboivant
de ceste sorte ne donneroient pas loisir de travailler et adoulcir
non plus qua destrempe Mays tu racoustres ce deffault
luy donnant un peu de corps avecq de la tormentine non pas
du tout si espes que pour vernir Et ainsy tu pourras
travail dazur desmail & feras un parfaict blanc de plomb
Le vernis de tourmentine faict avecq de ceste huile est
sec dans une heure