066v - - - - - [continued]
at left top margin
Quand l’or couleur commence
à gripper, c’est signe que dans
dix ou douze heures il sera sec
& propre à dorer.
at left top margin
- Pour fayre beau
l’or mat, mets y
un peu de vernis
ou d’huile gras,
non pas de celuy
qui est faict du
nettoyement des
pinceaulx, mays
de celuy pur, qui
se faict gras
au soleil ou
meslé de ceruse.
L’or mat de ceste
sorte n’est gueres
moings beau
que l’esor bruny,
et dure davantage à la
pluye, & aultrement & plustost faict.
L’or bruny s’esclate
avecq le temps
& se desfaict
à la pluye
.
Garder de croistre les tetins
d@ou diminuer les trop grands
Ayes de grands pains nouvellement tirés du four & les
partes par moictié, & le plus chauld que fere se pourra
apliques les dessus & ilz. & faictes cela 3 fois le jour,
& continues 4 ou 5 jours. Aprés, faictes emplastre de
tourmentine de Venise ou pour mieulx de tourmentine commune,
mesles y du sumach, des prunelles de buissons, de la graine
de coings, balaustes, foeilles d’olivier, & semblables
decuits, & mesles avecq la tourmentine. Mays j’oublyois
qu’il fault aprés avoir apliqué le pain chault qui ramolist,
& faict suer, mectre dessus des linges trempés en eau de ruche de
miel, c’est à scavoir de miel & cire extraicts tout ensemble du
bornat.
Pour attirer les pigeons
Fais fricasser en la poile avecq de l’huile du chenevi,
& en donne aulx pigeons.
Contre la meurtrisseuse des
yeulx
Aplique dessus la nuit des lamines fort tanvres de
plomb. Remede singulier.
Pinceaulx
Pour les faire bons, couppe le poil de la queue de gris,
aultant en une prise comme il en peult tenir en une quarte
repliée en canule. Et le mectant ainsy dedans ladicte carte
repliée, frappe en & la remue, affin que le poil s’unise & se rende
de mesme longueur. Mects au milieu un ou deulx poils de
barbe de rat, puys empoignant & sarrant bien cela
avecq le poulce & le doigt indice, trempe fort le bout
de tout ce poil dans l’eau, puys taprochant bien du
[continued]