066v - - - - - [continued]
at left top margin
Quand lor couleur commence
a gripper cest signe que dans
dix ou douze heures il sera sec
& propre a dorer
at left top margin
- Pour fayre beau
lor mat mets y
un peu de vernis
ou dhuile gras
non pas de celuy
qui est faict du
nettoyement des
pinceaulx Mays
de celuy pur qui
se faict gras
au soleil ou
mesle de ceruse
Lor mat de ceste
sorte nest gueres
moings beau
que lesor bruny
Et dure davantage a la
pluye & aultrement & plustost faict
Lor bruny sesclate
avecq le temps
& se desfaict
a la pluye
Garder de croistre les tetins
d@ou diminuer les trop grands
Ayes de grands pains nouvellement tires du four & les
partes par moictie & le plus chauld que fere se pourra
apliques les dessus & ilz & faictes cela 3 fois le jour
& continues 4 ou 5 jours apres faictes emplastre de
tourmentine de venise ou pour mieulx de tourmentine commune
mesles y du sumach des prunelles de buissons de la graine
de coings balaustes foeilles dolivier & semblables
decuits & mesles avecq la tourmentine Mays joublyois
quil fault apres avoir aplique le pain chault qui ramolist
& faict suer mectre dessus des linges trempes en eau de ruche de
miel cest a scavoir de miel & cire extraicts tout ensemble du
bornat
Pour attirer les pigeons
Fais fricasser en la poile avecq de lhuile du chenevi
& en donne aulx pigeons
Contre la meurtrisseure des
yeulx
Aplique dessus la nuit des lamines fort tanvres de
plomb remede singulier
Pinceaulx
Pour les faire bons couppe le poil de la queue de gris
aultant en une prise comme il en peult tenir en une quarte
repliee en canule Et le mectant ainsy dedans ladicte carte
repliee frappe en & la remue affin que le poil sunise & se rende
de mesme longueur Mects au milieu un ou deulx poils de
barbe de rat puys empoignant & sarrant bien cela
avecq le poulce & le doigt indice trempe fort le bout
de tout ce poil dans leau puys taprochant bien du
[continued]