[TOC] | [translation]

Doubles couches

Les flaments & ceulx qui paignent tableaulx de douzaine
ne font quune couche & achevent des la premiere foys
Mays les couleurs sont bien tost mortes Et quand elles
sont couchees deulx foys elles ne meurent point Il les fault
coucher legeres & gueres especes pour les bien adoulcir

Umbres

Pour femme Aspalte terre dumbre & un peu de laque

Paindre a destrempe
sur bois

Pourcequil est fort fascheux de paindre a destrempe sur le bois et que malaisement y peult on faire un bien un visaige Aulcuns destrempent leurs couleurs avecq glaire doeuf passee par lesponge Ou meslee avecq le jaulne de leau & fort battue avecq pelures de figuier Avecq cela

ilz peignent & adoulcissent sur le bois comme a huile Et cela soubstient le vernis Mays cela nest pas de duree

Couleurs a huile qui semboivent

C’est le mieulx que les couleurs a huile semboivent cest a
dire ne demeurent point luisantes apres quelles sont seiches
Car elles ne meurent point Mays si en quelque endroit elles
sont luisantes cest que la graisse de lhuile est demeuree en
ceste part qui feroit mourir les couleurs Le vernis
racoustre tout cela & lunist & rend semblable aultant en un
endroit quen laultre

Il fault que lor couleur soict pose espes
car sil estoit cler il semboiroit & couleroit

at left middle margin

Sur toile & a
destrempe on dore
avecq du bol &
du miel & un
peu de suc dail

Dorer mouleure de tableaulx dor mat

voy de laultre part de ce foeillet ceste marque *

Les flaments donnent une couche de colle a destrempe sur la mouleure
puys destrempent du noir de lampe ou noir a noircir avecq de la mesme
colle & laissent seicher apres ilz poncent aulx angles quelque moresque
& la peignent avecq du minium du massicot & ocre de ru et un peu docre jaulne destrempes avecq
huile gras dans lequel ilz nettoyent leurs pinceaulx a huile Pourceque les
trois couleurs susdictes sont gripantes & bien tost seiches Apres ilz posent
lor puys vernissent le tout pardessus Et semble par ce moyen a quelques
ungs que tout ce noir soict painct a huile Mays il ne seroit pas bon pourceque lor
sattaqueroit par tout & non pas seulement a la moresque Retourne hault a ce *

at left top margin

• Or mat
  Il se faict de massicot
  de mine docre de
  ru & docre jaulne
  affin que la composition
  retire a lor Dore
  le lendemain un jo
  quil est pose si tu as dans la
  fais lassiete le soir de la couleur
  Apres avoyr dore
  laisse le seicher
  &reposer un
  jour apres frote la doreure
  avecq une plume & du cotton affin
  quil ny demeure aulcune bave
  puys vernis de vernis de flandres
  que tu fais mesle dun peu deau de vye
  pour le rendre desiccatif

Le vernis sera
sec dans une
heure Il augmentera
la couleur de lor
Et cest or mat
tient a la pluye
encores quon frotte
Mays quil soict
bien sec de huict
ou dix jours

Lor couleur qui se
faict de couleures
diverses nettoyes
des pinceaulx a
huile nest pas si bon & avecq le temps
ternist lor a cause du verdegris Il ne
fault pas toucher du doigt la couche faicte por lor car cela le garderoit de si attaquer Lor moulu se gaste
si leau y touche Mays lor mat tient fort a la pluye & dans leau Il ne le fault pas brunir car la dent lemporteroit
Amasse ces baves & petites
lambeaulx que le cotton faict eslever quand lor est sec & que tu le nettoyent Car lonce est aultant dor En flandres les
femmes font dorent
Il est plus beau quand il est
un peu espes Mays en france
le battent trop delie

Halene sur lor couleur et sil ternist
il est asses sec mays sil ne recoit point
la vapeur de lhalene il ne lest pas asses

Il ne fault
pas dorer dor
mat apres avecq
avoyr dore
Mays attendre
un jour ou une
nuit Mays advise
quil ne Et lors
estant comme sec il
grippe lor apres
on vernit

[continued]