065v - - - - - Couleurs mi vives
Quand les couleurs saemboivent sur la toile cest a dire quelle
na este imprimee quune fois & a ceste cause elles deviennent
sans estre reluisantes ains mattes Mays cest le meilleur pourveu
que tu recouches deulx fois Car les couleurs en ceste sorte
ayant plus de corps ne meurent point & en sont bien plus
belles, mesmement lazur la laque & ceulx qui nont point de corps
Mays ceulx qui veulent despescher leur tableau au premier
coup par adquit impriment deulx fois Ainsy les couleurs
ne semboivent point aussy nen durent elles pas tant La
seconde couche dicelles ne semboit point & demeure luisante
Paindre grandes figures
Il fault que tu poses ton charbon au bout dun baston
affin que tu fasses ton desseing premier de loing pourceque
de pres tu ne pourroys si bien juger de la proportion que
de certaine & suffisante distance Quand tu aussy tu pains
de pres tiens ton charbon le plus long que tu pourras
& de comme du bout des doigts Car en ceste sorte tu tadquerras
le traict artiste & lte rendras la main legere
Glasser
On glasse communement avecq couleurs qui nont point de corps
comme la laque & le verdegris Touteffois pour se servir
des aultres on y mesle quantite de cristallin calcine & broye
qui nha point aussy de corps & rend esclarcist lespesseur
des aultres
Blanc et noir
Il est bon quun aprentif travaille de blanc & de noir
deulx ou trois ans pour se rendre artiste
Blanc de plomb
Il ne se meurt point & ha beaucoup de corps
at left top margin
** Au naturel **
Il y en a qui
paignent au
naturel sur du
papier huile &
sils nachevent
tout a un coup
ilz mectent leurs
papier & portrait
commance dans
leau affin quil
ne seiche point
at left middle margin
Les enleumineurs paignant sur le
papier destrempent
leurs couleurs avecq
de la gomme & y
meslent un peu de
savon pour les
faire mieulx courre
at left middle margin
Les painctres
doibvent tous aprendre
a pourtraire apres
le naturel Car cest
leur viatique & rente
& moyen assure de
gaigner leur passaige
allant par pays
avecq le seul cocon
at left bottom margin
** Impression **
Il en fault estre
bien curieulx & ne la
faire pas comme
quelques uns avecq
lor couleur qui se
faict des laveures
des pinceaulx a huile
pourceque le verdegris
& aultres couleurs corrosives
qui y sont font en fin mourir
les couleurs qui sy meu couchent
apres Il est bon de la faire
at bottom margin
avecq de la ceruse de locre & un peu de jaulne & un peu
de massicot & ne la faire pas gueres espesse affin quelle
ne sesclate point