[TOC] | [translation]

Umbres

Pource que les noirs font diverses couleurs, les uns un noir rougeastre,
les aultres tirant sur le bleu, aultres sur le vert, choisis ceulx
qui retirent sur le jaulne pour faire beaulx umbres à huile, car
l’umbre mesmement des hommes est jaulnastre. Et pour cet effect use
de la geiete broyée bien fort, laquelle tu mesleras d’un peu d’ocre jaulne & de
blanc de plomb. Ou bien aprés que tu as broyé ton blanc de plomb
bro et nettoye p ramassé avecq la

Figure , broyes y la geiette. Ainsy il
sera plus desiccatif, & faisant de soy mesme un noir jaulnastre.
Le peu de blanc meslé le rendra parfaict pour umbre d’homme.
Les noirs qui font un noir verdastre sont propres pour l’ombre
des femmes. Prens doncq du noir de , un peu de verd de
vessie & du bistre, & tu auras un parfaict ombre de femme à destrempe.

at left top margin

La pouldre
de bled orberé
est plus obscure
que la terre
d’ombre, & en
faulte de la
terre d’ombre
ladicte pouldre
serviroit, mays
elle n’ha point
de corps.

Carnation

Il fault bien cognoistre le meslange des couleurs & les ombres
propres, mays surtout regarde de les bien adoulcir. Et
note & observe qu’une chose qui se monstre platte veult estre
adoulcie de long comme venant de la lettre a ga droicte à la
gaulche comme

Figure , et ce qui se doibt representer rond
doibt estre adoulci en rond.

Mirouer

Quand tu fais les carnations, il est bon d’avoyr un mirouer de
cristalin qui represente bien au naturel, et que dans iceluy
il tu verras si tes umbres sont assés douls ou trop rudes.
Mays ne le regarde pas à la chandelle, car la lumiere du foeu
faict trouver les umbres rougeastres. Le painctre aussy s’instruict
en soy mesme par le mirouer, car dans iceluy il voit ce que le
naturel peult faire.

Couleurs grasses

Si, aprés que les couleurs couchées sont imbeues, il reste quelque
partye luisante qui semble n’estre pas seiches, c’est que cest endroit
est gras, & les secondes couleurs qu’on y couche ne prendroient pas a sec,
si tu ne frotois cest endroit de savon ou n’allenois dessus, pource que
l’humidité fera prendre les couleurs.

at left middle margin

On ne peult
point coucher
à huile sur un
papier coupé
& patronner
comme à destrempe,
car la couleur
couleroit. Ainsy
pour dorer d’or mat
il fault poncer &
puys coucher l’or couleur
avecq le pinceau.

at left bottom margin

Toutes couleurs
grasses, comme la
ceruse et le minium,
le massicot, l’ocre,
blanc de plomb,
sont bonnes pour
faire or couleur.

at left bottom margin

Toute couleur ou chose
qui se rend espesse
y mectant de l’eau
en broyant a
corps. Mays celles
qui n’en ont point,
comme le verre pilé,
la laque &, se
rendent claires.