064v - - - - - Aprentissaige du paintre
On luy donne premierement à faire un oeuf, dans lequel on luy
faict faire un demy visaige, puys entier avecq les oreilles,
aprés le col, puys les partyes du corps separement, aprés
joinctes, puys une figure, puys deulx & troys, enfin une
histoire, luy aprenant à tenir le charbon par la pointe
& le pinceau aussy. Comme il sçait portraire, on luy aprend
à coucher de couleurs.
On luy propose aussy ces traicts &
lignes
C La figure de l’œuf pour visaiges et pour les corps pliés est le principal
patron, comme la croix est le modelle du plant
droict & entier. Sans ces traicts tu ne feras jamays bien.
Figure
Adoulcir
Pour bien adoulcir, il ne fault pas coucher les couleurs espesses,
ains plustost les coucher à deulx fois, si ce n’est l’azur d’esmail.
at left middle margin
Toutes couleurs qui n’ont point de corps
à huile n’en ont point à destrempe, Et
ains à destrempe vont à fonds. Les
couleurs à destrempe veulent estre grasses,
ce qui se cognoist quand elles prenent
à la pallete
estant destrempées
à huile .
Lignes droictes
Tu te peulx servir de la reigle mays non pas la coucher
à plat sur le tableau, mays comme enlevée & apuyée sur les
bouts du tableau. Aultrement tu brouillerois tout & ne verrois
pas bien aussy le traict.
Destrempe
Il fault que les couleurs à destrempe soient tenues plus obscures pr,
ainsy que tu les destrempes pource que elles blanchissent en seichant. Mays les couleurs à huile demeurent
en mesme couleur.