064v - - - - - Aprentissaige du paintre
On luy donne premierement a faire un oeuf dans lequel on luy
faict faire un demy visaige puys entier avecq les oreilles
apres le col puys les partyes du corps separement apres
joinctes puys une figure puys deulx & troys En fin une
histoire luy aprenant a tenir le charbon par la pointe
& le pinceau aussy Comme il scait portraire on luy aprend
a p coucher de couleurs
On luy propose aussy ces traicts &
lignes
C La figure de lœuf pour visaiges et pour les corps plies est le principal
patron & la croix comme la croix est le modelle du plant
droict & entier Sans ces traicts tu ne feras jamays bien
Figure
Adoulcir
Pour bien adoulcir il ne fault pas coucher les couleurs espesses
Ains plustost les coucher a deulx fois Si ce nest lazur desmail
at left middle margin
Toutes couleurs qui nont point de corps
a huile nen ont point a destrempe Et
ains a destrempe vont a fonds Les
couleurs a destrempe veulent estre grasses
ce qui se cognoist quand elles prenent
a la pallete
estant destrempees
a huile
Lignes droictes
Tu te peulx servir de la reigle mays non pas la coucher
a plat sur le tableau Mays comme enlevee & apuye sur les
bouts du tableau Aultrement tu brouillerois tout & ne verrois
pas bien aussy le traict
Destrempe
Il fault que les couleurs a destrempe soient tenues plus obscures pr
ainsy que tu les destrempent pourceque elles blanchissent en seichant Mays les couleurs a huile demeurent
en mesme couleur