[TOC] | [translation]

Portraire

Il fault pourtraire à l’oeil sans compas ne regle pour se
rendre artiste. Les maistres ne le permectent pas aulx
aprentis.

Quand l’impression est de long temps faicte, elle s’engraisse.
Il la fault frotter avec de la cendre & de l’eau.

Perspective

Pour cognoistre le poinct, il fault coucher une regle
sur les lignes, & à la desmenée d’icelles le poinct sera.
Aucuns font un pertuis au bout de leurs regles, pour assurer
le poinct par ce pertuis & faire jouer la regle. Aultres
couchent une regle au travers du tableau, puys sur icelle
regle couchée posent la poincte d’une aultre regle, laquelle,
fichée sur l’autre par le moyen d’une vis, joue & s’estend
là où il est besoing sans perdre le poinct.
La regle et compas sans le jugement de l’oeil font errer.
  Perspective est trés difficille.

Figure

at left middle margin

Pour paindre perspective
à huile, il ne fault pas
que tu serves de regle,
car tu brouilleras
tout. Mays il fault
qu’en couchant tes
couleurs tu gardes
les & suives les lignes
de ton premier desseing.

Pour faire aussy les lignes à plomb, qui sont du hault
du tableau pour faire vif venant en bas, il te fault
avoyr un fil où quelque plomb soict attaché par un bout
& par l’aultre un petit crochet pour pendre ledict filet
au hault du tableau.

Figure at left bottom margin

Tableau

Il fault pour pourtraire & coucher les couleurs, mesmement à
huile, que tu tiennes ton tableau le plus droict sur le chevalet
qu’il te sera possible, car s’il est panché il y a danger que quelque
poulsiere & ordure ne s’i attache. Tiens net & sans poulsiere
le lieu où tu pains.