062v - - - - - Portraire
Il fault pourtraire aloeil sans compas ne regle pour se
rendre artiste les maistres ne le permectent pas aulx
aprentis
Quand l’impression est de long temps faicte elle sengraisse
il la fault frotter avecq de la cendre & de leau
Perspective
Pour cognoistre le poinct il fault coucher une regle
sur les lignes & a la desmenee dicelles le poinct sera
Aucuns font un pertuis au bout de leurs regles pour assurer
le poinct par ce pertuis & faire jouer la regle Aultres
couchent une regle au travers du tableau puys sur icelle
regle couchee posent la poincte dune aultre regle laquelle
fichee sur laultre par le moyen dune vis joue & sestend
la ou il est besoing sans perdre le point
La regle et compas sans le jugement de loeil font errer
perspective est tres difficille
Figure
at left middle margin
Pour paindre perspective
a huile il ne fault pas
que tu serves de regle
car tu brouilleras
tout Mays il fault
quen couchant tes
couleurs tu gardes
les & suives les lignes
de ton premier desseing
Pour faire aussy les lignes aplomb qui sont du hault
du tableau pour faire vif venant en bas il te fault
avoyr un fil ou quelque plomb soict attache par un bout
& par laultre un petit crochet pour pendre ledict filet
au hault du tableau
Figure at left bottom margin
Tableau
Il fault pour pourtraire & coucher les couleurs mesmement a
huile que tu tiennes ton tableau le plus droict sur le chevalet
quil te sera possible car sil est panche il y a danger que quelque
poulsiere & ordure ne si attache Tiens net & sans poulsiere
Le lieu ou tu pains