061v - - - - - Eau pour donner jour au
painctre
Distille l’eau de vigne & la mects dans une grande
bouteille. Et derriere icelle mects ta chandelle, & elle ne
nuyra point à ta veue.
Chassis des Allemans
Les Allemans qui travaillent en petit font des chassis non de
verre, mays de toile oincte de vernis clair de tourmentine,
sçavoir moictié huile de tourmentine & presque moictié de tourmentine,
pource que ce jour, qui n’est pas si esclatant que du verre, leur
fait parroistre les traits plus gros. Et quand ils veulent
faire quelque chose subtile comme les venes de & semblables choses,
ils usent de pinceaulx composés de deulx ou trois poils de barbe
de rat.
Azur d’esmail à huile
Il fault choisir le plus beau deslié qu’il sera possible, car
s’il est gros on n’en peult travailler à huile. Et si tu n’en
trouves d’assez subtil, tu le peulx bien broyer, non à eau
mays à huile, & le broyer espés. Aprés pose le sur ta pallete
& y mesle un peu de tourmentine, mays non gueres, pour luy
donner liaison, et fais qu’il soict espés comme beurre ou mortier,
& puys avecq un assés gros pinceau travaille le en esgaiant tousjours
le pinceau. Puys pour l’adoulcir hache à denteleure avecq le
la poincte du pinceau. Les rehaulssements se feront avecq
d luy mesme deslayé avecq ceruse qui, luy donnant lyaison,
le rend plus aisé à travailler. Ainsi l’ay je veu employer.
Il fault qu’il soict fort espés & quasi que tu ayes pene
a l’estendre avecq le pinceau. Et n’est que bon que tu
couches le tableau. Toutes ses difficultés ne se font point
quand il est fort subtil & delié sans estre broyé, et ne
coule point.
at left middle margin
L’azur veult estre
couché net, c’est pourquoy
quan il se meurt tousjours
quelque peu quand, pour
reparer un vieulx tableau,
on le couche sur de
vieulx azur desja
terny. En telle chose
il est mieulx de racler
la vielle couche & imprimer impri—
mer de nouveau, puys
poser l’azur. C’est
ainsy presque des
aultres couleurs
. L’azur aussy, broyé
à l’huile, demeure tousjours
luisant, ce qui n’est
pas bon signe à l’azur,
car cela le fait
mourir.
Broyer couleurs
Une table de mabre & p verre espoisse d’un verre poulce
est plus propre pour broyer nettement les couleurs que chose qui
soict, mesmement pour la laque & pour les blancs.