061v - - - - - Eau pour donner jour au
painctre
Distille leau de vigne & la mects dans une grande
bouteille Et derriere icelle mects ta chandelle & elle ne
nuyra point a ta veue
Chassis des allemans
Les allemans qui travaillent en petit font des chassis non de
verre Mays de toile oincte de vernis clair de tourmentine,
scavoir moictie huile de tourmentine & presque moictie de tourmentine
pourceque ce jour qui nest pas si esclatant que du verre leur
faict parroistre les traicts plus gros Et quand ilz veulent
faire quelque chose subtile comme les venes de & semblables choses
ilz usent de pinceaulx composes de deulx ou trois poils de barbe de rat.
Azur desmail a huile
Il fault choisir le plus beau deslie quil sera possible Car
sil est gros on nen peult travailler a huile Et si tu nen
trouves dasses subtil Tu le peulx bien broyer non a eau
mays a huile & le broyer espes Apres pose le sur ta pallete
& y mesle un peu de tourmentine mays non gueres pour luy
donner liaison Et fais quil soict espes comme beurre ou mortier
& puys avecq un asses gros pinceau travaille le en esgaiant tousjours
le pinceau puys pour ladoulcir hache a denteleure avecq le
la poincte du pinceau Les rehaulssements se feront avecq
d luy mesme deslaye avecc ceruse qui luy donnant lyaison
le rend plus aise a travailler ainsy lay je veu employer
Il fault quil soict fort espes & quasi que tu ayes pene
a lestendre avecq le pinceau Et nest que bon que tu
couches le tableau Toutes ses difficultes ne se font point
quand il est fort subtil & delie sans estre broye Et ne
coule point
at left middle margin
Lazur veult estre
couche net cest pourquoy
quan il se meurt tousjours
quelque peu quand pour
reparer un vieulx tableau
on le couche sur de
vieulx azur desja
terny En telle chose
il est mieulx de racler
la vielle couche & impri
mer de nouveau puys
poser l’azur Cest
ainsy presque des
aultres couleurs
L’azur aussy broye
a huile demeure tousjours
luisant Ce qui nest
pas bon signe a lazur
car cela le fait
mourir
Broyer couleurs
Une table de mabre & p verre espoisse dun verre poulce
est plus propre pour broyer nettement les couleurs que chose qui
soict mesmement pour la laque & pour les blancs