[TOC] | [translation]

[continued]

et l’unissent bien, puys et estant bien seiche deseignent leur pourtraict
& couchent leur naturelle carnation laissant le lieu des ombres
comme le couste du front & de la joue & l’entour des yeux vuide
& à sec jusques à ce qu’ilz ayent remply le reste. Aprés ilz mectent
à part leurs ombres, lesquelz ilz ne font pas si obscurs, ains ce
que le naturel peult faire. En somme, ilz ne mectent poinct umbre
sur carnation ne carnation sur umbre, ains blanc sur blanc
& noir sur noir, Ainsy & chascun à part soy. En ceste sorte, leur
ouvraige est net & les couleurs ne se meurent poinct.

Carnations

Il t’en fault faire de deulx sortes, l’une plus rouge pour
faire la principale couche, l’aultre plus pale pour les
rehaulssements comme l’entour des yeulx. Et puys sur ceste
derniere carnation, tu toucheras legerement les principaulx
jour d’un peu de blanc de plomb. Mays garde d’en mectre
trop car cela feroit sembler un visaige de mort. La belle
laque de Florence faict une belle carnation vifve retirant
au teint de la rose alexandrine & incarnadine.

at left top margin

Certaines
couleurs ne veulent
estre broyées
comme le minium et
le massicot
Les cendres
ne veulent
aulcunement
estre broyées.

@ Arrondir

Si tu veulx faire bien relever, arr adoulcis les choses
rondes en arrondissant avecq la poincte du pinceau & le
reste de plat s’il est plat, & ainsy des aultres selon leur
naturel, & legerement avecq la poincte du pinceau sec & aplati,
& avecq patience.

Blanc de plomb

Sans cestuy là tu ne peulx travailler en petit en quoy il fault
avecq grande curiosité adoulcir. Or tu ne le peulx faire avecq
la ceruse pource que elle n’ha pas assés de corps.

Jours

Ton pinceau te le monstre faisant ombre qui doibt tousjours
suivre le derriere de ta main, non pas de droicte ligne comme
ainsy

Figure , car le jour seroict trop crud & trop rude, mays
obliquement & comme en pante, ainsy Figure . Il fault que le
tableau ne soict pas de front contre le jour, mays
à demy tourné contre iceluy. Et surtout
cherche le jour doulx, car il faict l’ombre & ouvrage doulx, comme le jour
rude l’ouvrage rude.