[TOC] | [translation]

NoirPaincture d’armes

Le noir de charbon meslé d’un peu de blanc de plomb est
fort propre pour faire les armes, y meslant si tu veux un
peu de d’azur. Le noir de charbon de soy mesme est comme bluastre.

Paincture de crespe

Il fault premierement faire le fonds grisastre de noir
de charbon meslé de blanc de plomb & un peu d’asur, puys
resu rehaulser aprés qu’il est sec de traicts & lignes de blanc
de plomb.

Plis de vestements

Il fault regarder en cela qu’il ne s’en fasse aulcuns
à faulx, ains que ce que le naturel peult faire soict imité.
Un gros drap ne faict gueres de plis, les taffetas
& draps de soye en font davantaige, & le crespe encores
plus. Fais Advise doncq quels doibvent aller de long &
aultres de large.

Desiccatif

Le blanc de plomb & le massicot sont les plus desiccatifs,
touteffois il leur fault bien deulx jours. Si tu veulx
prouver si quelque huile est desiccative, destrempe en
du blanc de plomb, & s’il faict crouste en un jour bien tost,
c’est à dire qu’il se desechera.

Double couche

Les azurs, carnations & rouges se couchent deulx foys.
Les aultres, non.

Racoustrer les fentes d’un tableau

Si un tableau painct se rompt, tu le peulx bien coller
par derriere. Mays pour bien boucher les fentes pour
y paindre & le reparer, il ne fault pas que ce soict
avecques la colle, qui se relentist en temps humide & estant
touché de l’huile de la paincture s’enfleroit, mays
ayes de la cire blanche, qui est plus dure que l’aultre.
@L’huile meslée parmy la cire empesche qu’elle ne se fonde
au soleil. Il ne fault pas que la cire soict dure, ains molle comme
nagueres refroidie. Aplique la par les fentes & crevasses avecq la
poincte d’un costeau, puys racle.

[continued]