059v - - - - - NoirPaincture darmes
Le noir de charbon mesle dun peu de blanc de plomb est
fort propre pour faire les armes y meslant si tu veux un
peu de dazur Le noir de charbon de soymesme est comme bluastre
Paincture de crespe
Il fault premierement faire le fonds grisastre de noir
de charbon mesle de blanc de plomb & un peu dasur puys
resu rehaulser apres quil est sec de traicts & lignes de blanc
de plomb
Plis de vestements
Il fault regarder en cela quil ne sen fasse aulcuns
a faulx Ains que ce que le naturel peult faire soict imite
Un gros drap ne faict gueres de plis Les taffetas
& draps de soye en font davantaige & le crespe encores
plus Fais Advise doncq quels doibvent aller de long &
aultres de large
Desiccatif
Le blanc de plomb & le massicot sont les plus desiccatifs
touteffois il leur fault bien deulx jours Si tu veulx
prouver si quelque huile est desiccative destrempe en
du blanc de plomb & sil faict crouste en un jour bien tost
cest a dire quil se desechera
Double couche
Les azurs carnations & rouges se couchent deulx foys
Les aultres non
Racoustrer les fentes dun tableau
Si un tableau painct se rompt tu le peulx bien coller
par derriere Mays pour bien boucher les fentes pour
y paindre & le reparer Il ne fault pas que ce soict
avecques la colle qui se relentist en temps humide & estant
touche de lhuile de la paincture senfleroit Mays
ayes de la cire blanche qui est plus dure que laultre
@Lhuile meslee parmy la cire empesche quelle ne se fonde
au soleil Il ne fault pas que la cire soict dure ains molle comme
nagueres refroidie aplique la par les fentes & crevasses avecq la
poincte dun costeau puys racle
[continued]