059r - - - - - [continued]
La laque & le blanc de plomb & ceruse sont aysés à travailler
à huile, mays toute sorte d’azur est difficille. Et pour faire
bel azur, il le fault coucher non pas à grands traicts de
pinceau, mays avecq les traicts menus de la poincte. Non
seulement la cendre & azur d’Acre, mays principallement lazur
d’esmail, lequel il te fault choisir fort delié. Car il
Aultrement tu n’en v pourras travailler si ce n’est à grand
besoigne, et encores il te le fault deslayer avecq dela
tourmentine pour luy donner corps, et le mesler avecq un peu
de blanc de plomb. Tout azur ne veult poinct estre broyé
ne lavé, car il perd couleur & devient blafart. Mays le
mectant en pouldre sur ta pallete, tu le deslayeras petit à
petit ou avecq huile de noix ou de tourmentine, trempant la
poincte d’un costeau dans l’huile puys le destrempant petit à petit
sur ladicte pallete.
Ombres
Il fault que les premiers umbres qui sont plus pres du
jour soient clairs & fort adoulcis & puys les derniers fort
obscurs pour faire bien relever. @Les Italiens font communement
trois ombres, le premier du jour fort cler, le second plus obscur & les tiers bien
fort, puys rassemblent ces trois umbres en hachant despuys le plus
obscur jusques au plus cler.
at left middle margin
Le vernis est
plus beau sur
le tableau quand
la couleur est
bien imbue.
Figure
Azur
L’asur est plus beau estant inbu sur le tableau sans avecq
l’huile de noix avecq laquelle il ha esté premierement deslayé, sans y
mectre huile d’aspic. Et si tu veulx cognoistre s’il est sec, haleine dessus
et il ne reluira poinct, ains semblera estre bien imbu. Sinon il reluira.
L’azur d’esmail imbu a huile destrempé à huile la laisse & revient
à son premier naturel si tu le trempes dans l’eau.
Les couleurs pour travailler en petit veulent estre fort broyées, &
en travailler avecq la poincte du pinceau si tu veux que la besoigne soict
bien adoulcie.