059r - - - - - [continued]
La laque & le blanc de plomb & ceruse sont ayses a travailler
a huile Mays toute sorte dazur est difficille Et pour faire
bel azur il le fault coucher non pas a grands traicts de
pinceau Mays avecq les traicts menus de la poincte Non
seulement a cendre & azur dacre Mays principallement lazur
desmail Lequel il te fault choisir fort delie Car il
Aultrement tu nen v pourras travailler si ce nest a grand
besoigne et encores il te le fault deslayer avecq de la
tourmentine pour luy donner corps Et le mesler avecq un peu
de blanc de plomb Tout azur ne veult poinct estre broye
ne lave car il perd couleur & devient blafart Mays le
mectant en pouldre sur ta pallete tu le deslayeras petit a
petit ou avecq huile de noix ou de tourmentine trempent la
poincte dun costeau dans lhuile puys le destrempent petit a petit
sur ladicte pallete
Ombres
Il fault que les premiers umbres qui sont plus pres du
jour soient clairs & fort adoulcis & puys les derniers fort
obscurs pour faire bien relever @Les italiens font communement
trois umbres le premier du jour fort cler le second plus obscur & les tiers bien
fort puys rassemblent ces trois umbres en hachant despuys le plus
obscur jusques au plus cler
at left middle margin
Le vernis est
plus beau sur
le tableau quand
la couleur est
bien imbue
Figure
Azur
Lasur est plus beau estant inbu sur le tableau sans avecq
lhuile de noix avecq laquelle il ha este premierement deslaye sans y
mectre huile daspic Et si tu veulx cognoistre sil est sec haleine dessus
et il ne reluira poinct ains semblera estre bien imbu sinon il reluira
Lazur desmail imbu a huile destrempe a huile la laisse & revient
a son premier naturel si tu le trempes dans leau
Les couleurs pour travailler en petit veulent estre fort broyees &
en travailler avecq la poincte du pinceau si tu veulx que la besoigne soict
bien adoulcie