058v - - - - - Noirs
Le noir de charbon de mine, de charbon commun,
d’ivoyre bruslé, de noyaux de pesches, de fumée
de lampe, d’os de pied de bœufs bruslés.
Ombres
Quand tu fais un tableau de diverses personnes,
tout ainsy que les carnations doibvent estre differentes,
ainssy les ombres.
A fresc
L’azur n’y est pas bon mays livide, & fault travailler
avecq longs pinceaux. Le fresc ne s’employe point
cont sur le boys.
Azur
L’huile de tourmentine le rend fort beau. Esprouve
l’huile de grene de palma christi. L’huile de noix
en Flandres coste bien cent sols la pinte. L’azur
demande un peu l’huile gras pource qu’il n’ha point de corps.
at left middle margin
L’azur d’esmail haict plus
d’estre broyé que nul aultre,
mesmement à l’eau, car
il se meurt & perd toute
sa couleur. Touteffois
pource que il ne se peult
travailler s’il est gros,
broye non avecq eau
mays avecq huile, & le broye
espés. Et en ceste sorte, il ne se
mourra pas tant.
at left middle margin
Choisis tousjours le plus
delié.
Pinceaulx
Quand la couleur s’est seichée dedans & que tu les veulx
nettoyer, trempe les dans l’huile d’aspic et ilz retourneront
incontinent mols comme auparavant. Puys tu les acheveras de
nettoyer dans l’huile de noix. L’huile de noix n’est pas
si pas si propre pour les adoulcir que celuy d’aspic,
qui est cler comme eau & penetre & n’ha poinct de corps comme
huile de noix. Le manche des pinceaulx se faict par les
curieulx de plumes de porc espic, aultres de boys de flesches
de Turquie, de qui de quoy ilz font aussy les vergettes
pour s’apuyer la main quand ilz paignent.
at left bottom margin
Pour travailler bien
en petit, il font fault des
pinceaulx fort deliés qui
ayent la poincte ferme.
Et pource que le poil de
queue de gris est mollesin,
les plus curieulx prenent
les barbes des plus
vieulx rats, mesmement
des rats lirons s’ilz
en peuvent trouver, & en
mectent deulx ou trois
au milieu du pinceau. Ceulx là
font le traict droict comme une
plume & tous les aultres poils
du pinceau se raportent à ceulx là
comme à la poincte. La barbe des fouines & bellettes & petits animaulx qui font le musc sont encores meilleurs,
car un seul poil dans un pinceau suffist.
[continued]