058v - - - - - Noirs
Le noir de charbon de mine De charbon commun
Divoyre brusle De noyaux de pesches de fumee
de lampe Dos de pied de bœufs brusles
Ombres
Quand tu fais un tableau de diverses personnes
tout ainsy que les carnations doibvent estre differentes
ainssy les ombres
A fresc
Lazur ny est pas bon mays livide & fault travailler
avecq longs pinceaux Le fresc ne semploye point
cont sur le boys
Azur
Lhuile de tourmentine le rend fort beau esprouve
lhuile de grene de palma christi Lhuile de noix
en flandres coste bien cent sols la pinte@ Lazur
demande un peu lhuile gras pource quil nha point de corps
at left middle margin
Lazur desmail haict plus
destre broye que nul aultre
mesmement a leau car
il se meurt & perd toute
sa couleur Touteffois
pourceque il ne se peult
travailler sil est gros
broye non avecq eau
Mays avecq huile & le broye
espes et en ceste sorte il ne se
mourra pas tant
at left middle margin
Choisis tousjours le plus
delie
Pinceaulx
Quand la couleur sest seichee dedans & que tu les veulx
nettoyer trempe les dans lhuile daspic et ilz retourneront
incontinent mols comme auparavant puys tu les acheveras de
nettoyer dans lhuile de noix Lhuile de noix nest pas
si pas si propre pour les adoulcir que celuy daspic
qui est cler comme eau & penetre & nha poinct de corps comme
huile de noix Le manche des pinceaulx se faict par les
curieulx de plumes de porc espic Aultres de boys de flesches
de turquie de qui dequoy ilz font aussy les vergettes
pour sapuyer la main quand ilz paignent
at left bottom margin
Pour travailler bien
en petit ilz fontfault des
pinceaulx fort delies qui
ayent la poincte ferme
Et pource que le poil de
queue de gris est mollesin
Les plus curieulx prenent
les barbes des plus
vieulx rats mesmement
des rats lirons Silz
en peuvent trouver & en
mectent deulx ou trois
au milieu du pinceau ceulx la
font le traict droict comme une
plume & tous les aultres poils
du pinceau se raportent a ceulx la
comme a la poincte La barbe des fouines & bellettes & petits animaulx qui font le musc sont encores meilleurs
car un seul poil dans un pinceau suffist
[continued]