056v - - - - - Painctre
La laque & floree rosette de Gand & aultres perdent leur
couleur & se meurent à l’air.
Tout mabre sur lequel le costeau peult prinquer ne vault
rien pour broyer les fines couleurs.
La croye n’a poinct de corps à huile. La ceruse y est
propre. Mays le blanc de plomb plus excellent. La ceruse
est la plus blanche, se broyant premierement à l’eau, et le
blanc de plomb grisastre. Mays le blanc il prend sa
parfaicte blancheur à huile.
Quand tu broyes tes couleurs, nettoyes premierement bien
ta boutique, car en marchant, si tu excites de la pouldre,
cela gastera tes couleurs, qui ne seront jamays belles si
elles ne sont fort be nettes.
La floree ne se doibt pas mesler avecq l’azur d’esmail
ou aultre, car elle le faict verd.
Pour palettes a paindre, l’yvoire est excellent, les noeuds
de sapin, le poirier, &, si c’est noyer, prends garde que
le fil du boys viene de long.
L Il fault tousjours imprimer dsur le bois pour y paindre
à huile, pour boucher les trous & inegalités, et imprimer
avecq scudegrun & ceruse destrempée à huile, puys adoulcie
avecq une plume, qui aplanist mieulx que le pinceau. Ou
bien, quand l’impression est seiche, racler fort avecq un
costeau.
Pour employer l’azur d’esmail à huile, il fault choisir
le plus deslié. Et pour le subtilier, il ne fault pas
le broyer, car cela le faict blanchir. Mays il le fault
laver, & le plus grossier allant au fonds, choisis celuy
qui est au dessus de l’eau ou verse l’eau trouble par
inclination, puys amasse l’azur.
at left top margin
@ Celuy qui faict profession de travailler à huile
ne travaillera gueres bien à
destrempe s’il n’y ha esté bien
institué de jeunesse.
Car la facon
de travailler est
diverse, pource que
lavant le pinceau
pour destrempe, on
le laisse tousjours
humide. Et au
contraire, quand
on nettoye le pinceau
dans l’huile pour
adoulcir, on essuye
fort le pinceau.
Aultrement, le labeur
couleroit & seroit
bientost tout
desfiguré.
at left middle margin
Les Italiens
adoulcissent en hachant
avecq un gros
pinceau aplaty qui
faict des denteleures.
at left middle margin
Et ne couchent pas
leur ombre tout d’une
sorte comme les Flaments,
mays font en hachant
le plus cler vers le
jour puys un plus
obscur aprés & en
fin un plus noir
pour faire
mieulx gecter &
eslever.
at left bottom margin
À destrempe, ne
mesle point tes
couleurs diverses
ensemble,Mays
car cela les faict
mourir, mays
employes les chascune
a part. Et affin
qu’elles ne seichent
& que tu ayes
loisir d’adoulcir,
mouille le revers
de la toile.
[continued]