056v - - - - - Painctre
La laque &floree rosette de gand & aultres perdent leur
couleur & se meurent a lair
Tout mabre sur lequel le costeau peult prinquer ne vault
rien pour broyer les fines couleurs
La croye na poinct de corps a huile La ceruse y est
propre Mays le blanc de plomb plus excellent La ceruse
est la plus blanche se broyant premierement a leau Et le
blanc de plomb grisastre Mays le blanc il prend sa
parfaicte blancheur a huile
Quand tu broyes tes couleurs nettoyes premierement bien
ta boutique car en marchant si tu excites de la pouldre
cela gastera tes couleurs qui ne seront jamays belles si
elles ne sont fort be nettes
La floree ne se doibt pas mesler avecq lazur desmail
ou aultre car elle le faict verd
Pour palettes a paindre Lyvoire est excellent Les noeuds
de sapin Le poirier & si cest noyer prends garde que
le fil du boys viene de long
L Il fault tousjours imprimer dsur le bois pour y paindre
a huile pour boucher les trous & inegalites Et imprimer
avecq scudegrun & ceruse destrempee a huile puys adoulcie
avecq une plume qui aplanist mieulx que le pinceau Ou
bien quand limpression est seiche racler fort avecq un
costeau
Pour employer lazur desmail a huile il fault choisir
le plus deslie Et pour le subtilier il ne fault pas
le broyer car cela le faict blanchir Mays il le fault
laver & le plus grossier allant au fonds Choisis celuy
qui est au dessus de leau ou verse leau trouble par
inclination puys amasse lazur
at left top margin
@Celuy qui faict profession de travailler a huile
ne travaillera gueres bien a
destrempe sil ny ha este bien
institue de jeunesse
Car la facon
de travailler est
diverse pourceque
lavant le pinceau
pour destrempe on
le laisse tousjours
humide Et au
contraire quand
on nettoye le pinceau
dans lhuile pour
adoulcir on essuye
fort le pinceau
Aultrement le labeur
couleroit & seroit
bien tost tout
desfigure
at left middle margin
Les Italiens
adoulcissent en hachant
avecq un gros
pinceau aplaty qui
faict des denteleures
at left middle margin
Et ne couchent pas
leur ombre tout dune
sorte comme les flaments
Mays font en hachant
le plus cler vers le
jour puys un plus
obscur apres & en
fin un plus noir
pour faire
mieulx gecter &
eslever
at left bottom margin
A destrempe ne
mesle point tes
couleurs diverses
ensemble Mays
car cela les faict
mourir Mays
employes les chascune
a part Et affin
quelles ne seichent
& que tu ayes
loisir dadoulcir
mouille le revers
de la toile
[continued]