054r - - - - - [continued]
sur quelques tables haultes & a cella cognoist on quand elles veulent
monter quand sur la foeille elles hau salongent & haulsent la teste &
une partie du corps lors on les porte aulx branches de brandes ou
elles sarrestent & commancent a filer leur prison quon appelle coquon
de la grandeur dun oeuf de pigeon communement combien quil sen trouve
de beaucoup plus gros pourceque il advient que quelque foys il se
mect deulx ou trois & jusques a xi vers dans un coquon qui est
bourru & lanugineulx a lentour & de laquelle bourre est la filoselle
ou floret & du coquon qui est une peau blanche solide continue &
ferme se faict la soye Le coquon est si dure que malaisement on le
coupe avelq longle Et toutesfois pour sortir de sa prison elle
le ver la ronge par un bout & apres avoyr demeure dedans vivant de son
propre suc il trois sepmaines Il sort amoindry de la moictie
Car quand il commance a filer il est long comme le doigt annulaire
& ha huict pieds & au sortir il est plus court de la moictie & nha
que 4 pieds En revanche il est devenu papillon & ha des aisles
sans voler toutesfois Et y a ha masle & femelle Aussy tost quilz
sont sortis du coquon le masle charge la femelle & on les mect
sur un linge blanc la ou ilz font leurs oeufs lesquels la femelle
ne feroict pas bons & proffictables si le masle ne luy estoict done
Et comme le masle sest desprins dune femelle il le fault gecter car
il ne seroit pas bon de le donner a une aultre Ils ont acheve de
filer & faire leurs oeufs en trois sepmaines & vers la saint Jehan
Et lors on garde leurs oeufs & grene jusques a la sepmaine
saincte comme on dict est Aulcuns filent parmy la foeille & y font
leur coquon sans monter hault
at left top margin
La soye des
coquons ou il y a