053v - - - - - Vers de soye
Ils se produisent de grene cest a dire doeufs laquelle se vent
a lonce qui communement se vent en languedoc iii lb v s Celle despaigne
que les marchans y aportent est estimee la meilleure pourceque les
vers qui en proviennent ne sont pas si subgects a malladies
& font plus de soye En espaigne dune once de soye grene
ilz sen produict des vers qui raportent ord communement xv lb de soye
Mays lonce dune once de grene produicte en France il nen revient que
x ou xii Troys onces de grene sont pour produire telle quantite
de vers que tu en pourras fournir une chambre acommodee de trois
ou 4 estages de tables larges Volontiers ilz comancent a
sespelir vers la sepmaine saincte Et pour ce faire on les mect
dans une boite de sapin comme celles ou lon mect la dragee Entre
des coissins de plume chauldement Et au commancement ilz sespellissent
comme f petites formis noires & aussy tost quil y en ha deulx ou
trois espelis il leur fault donner des foeilles de moeurier blanc
Et puys les ranger sur les tables Et trois fois le jour il
leur fault changer des foeilles fresches Et sil faict sur jour
quelque tonnerre ou temps pluvieulx couvert & frais il fault tenir dans la chambre trois ou 4
rechauls & avecq charbon allume & y mectre de lencens jusques
a ce que toute la chambre soict remplye de fumee Et quand le
temps se porte chault & serain la soye abonde plus & en est meilleure
Aulcuns vers la font plus blanche aultres plus jaunastre Et
encores quelle soict blanche elle se jaulnist quand on la tire avecq
leau chaulde Despuys Les vers despuys leur naissance jusques
au leur temps quilz font leur coquons & leur prison dorment &
sassopissent 4 fois & a chasque fois demeurent 4 ou cinq jours
assopis sans manger comme silz mouroient pour renaistre une aultre
fois Car a chascune ilz changent de peau & commancent a despoiller
la teste puys consequement a divers jours les reste du corps, & de
blanc viennent grisastres & de grisastres blans En fin Et
sil en y a quelque malade qui naye force de se despoiller il luy
fault ayder & se garder de la crever Car lors rendant une
liqueur jaulne elle ne vauldroit plus rien Et mesmes ne proffictent
elles guere despuys quon la maniee de la main Vers la
pentecoste elles comancent a vouloir monster a des branches
seiches de brande ou bruyere quon leur prepare en & attache
at left top margin
Voy Hieronymus
Vida Albensis episcopus
de b cremonensis
scripsit carmine
de bombicum natura
at left middle margin
coment on les
remue
[continued]