053r - - - - - Soulder un estoc
Il est bon que les joues de l’estoc soient haultes pour y former une
longue piece et que les joues joignent bien affin de serrer une chose
subtile. Pour soulder l’ancrou, aprés que tu as forgé la vis, tu feras
forgeras une longue liste de fer quar de telle grosseur qu’elle puisse entrer dans
l’encochement de la vis estant rougie, & luy po feras plier tout aultour,
la frapant du marteau. Y estant bien jo entourné, tu la feras
entrer la vis o sur laquelle est elle est entournée.
Cuivre
Si au foeu & à la fonte il touche le fer, ce fer sera aprés
si aigre qu’il ne se pourra forger.
Gect de plomb
On le mesle selon aulcuns moictié d’estain & moictié plomb,
et pour leschafer on y mesle un peu de sublimé. Il se gecte bien
en petit dans l’os de seiche pourveu qu’il soict bon.
Mouler de papier
Fais bouillir sur cendres chauldes du cotton en eau fort meslée de sel ammoniac
comme eau regale, et le cotton viendra fort subtil comme pouldre.
Destrempe le aprés avecq eau gommée & mouleras fort delicat.
Amendiers, abricots
Ils viennent bien droicts si on les hante. Et touts arbres
de noyau comme pavis, mericotons, alberges, vie abricots &c. viennent
mieulx hantés sur l’amendier en escusson.
Gect de plomb et cuivre
Le plomb & estaim vient bien en croye blanche, mays tant
plus elle est douce elle est meilleure. Celle de Champaigne
obtient le prix, qui se porte à Lyon. Les os de cheval
bruslés & calcinés moulent fort net.
at left bottom margin
Je croy que la
moele des cornes
des boeufs ou
mouton, c’est à dire l’os spongieulx de dedans,
moule fort net et est meilleure que l’os.
at bottom margin
Note que tout metal aigre vient mieulx que le gras. Aussy
le sable maigre le reçoit mieulx & le suppe que le dense.